عداد ال RPM كل ما تحتاج معرفته عنه ومعلومات تهم كل سائق سيارة منيوال

img

اية عداد ال RPM دة

اللى هو بيبقى فى 1 و 2 و 3 لحد 8 و 9
اختصار RPM يعنى Revolution Per Minute ” بمعنى دورة فى الدقيقة ” او Round Per Minute
مش فاهم …
خلينا نعرف الأول إيه هو العداد ده

والاسم الصحيح لعداد الـRPM هو …
تاكوميتر Tachometer

العداد ده بيقيس عدد دورات عمود الكرنك بتاع الموتور في الدقيقة
أو بمعنى آخر بيقيس الموتور بيلف كام لفة في الدقيقة… والمعروف إن موتور العربية دورانه بيزيد ويقل مع زيادة أو نقص البنزين اللى داخلة طبعا على حسب دوسة رجلك للبنزين والحمل على الموتور

التاكوميتر عموما بيديك فكرة عن أداء الموتور ومنها تقدر تحافظ على موتور عربيتك وتطول عمرة

طب ازاى ؟
التاكوميتر ( RPM ) فيه تدريج من 0 إلى 8 آلاف وعادة حتلاقي التدريج بيتلون للأحمر بداية من 6 آلاف أو أكتر

المنطقة دي إسمها الـ “Red Zone ” و دى اللى بحب اوصلها الصراحة و انا بحرق على الغيارات ??

و لما بتوصلها الموتور بيعمل حاجة اسمها تفصيل
المكنة بتفصل .. تلاقى ال RPMM بيتهز كذا هزة مع بعض و ورا بعض بتقولك ارحمنى و ادى الغيار اللى بعدة او شيل رجلك من على البنزين و لو فضلت مكمل عليها موتورك ممكن يتكسر ?

و ال RPM لية ميزة كمان او التاكوميتر
ساعات مثلا تلاقى عربية من ضمن مواصفتها
تلاقى مكتوب العربية دى 120 حصان عند 5400 دورة فى الدقيقة
معنى انك اول لما تجيب ال 5 على ال RPM و 4 شرط كمان يبقى الموتور دة شغال بكل قوتة
و شغال ب ال 1200 حصان شاكب راكب بمواصلاتة

طب ما تقولى كدة ياسطى نادر
شوية ارقام للنقلات المظبوطة … عشان انا جديد فى المانيوال … ماهو انت لو اوتوماتيك مش محتاج تعرف عربيتك بتنقل لوحدها …
بص يا ريس يا بتاع المانيوال

النقلات المتوسطة … عندك من اول 2500
يعنى ال RPM يكون على 2 و 5 شرط كمان لحد 3500 دى نقلة متوسطة
النقلة الخفيفة اوى اللى مفيش فيها اى شغل على الموتور عند 2000 فقط
الحرق بقى بيبدأ من اول 4000 لحد قبل منطقة ال RED Zone بشرطتين او تلاتة
و انك بكدة بتتطلع اقصى قوة من الموتور …
طب لو حد مش عارف يقدرها ب ال RPM
يبقى مثلا و انت على 25 – 30 يبقى انت على التانى
على ال 60 تبقى على التالت
ال 70 – 80 يبقى على الرابع
اول لما تجيب ال 100 انزل على الخامس علطول
و الخامس دة معاك لحد اخر نفس فى العربية
لو عربيتك فيها سادس يبقى تجيب بعد ال 140 – 150 الغيار ال 6

هو دة ال RPM او التاكوميتر ب اختصار
تحافظ بية على موتورك
او تحرق بية
او تعرف امتى تنقل

مواضيع متعلقة

اترك رداً